Sai Baba Chalisa

Pehle Sai ke charno mein, apna sheesh nivauo maiy,
Kaise Shirdi Sai aaye, saara haal sunau maiy. ||1||

Kaun hai mata, pita kaun hai, yeh na kisi ne bhi jaana,
Kaha janam Sai ne dhara, prashan paheli raha bana. ||2||

Koee kahe Ayodhya ke, yeh Ramchandra bhagvan hain,
Koee kehta Saibaba, pavan putra Hanuman hain. ||3||

Koee kehta mangal murti, Shri Gajanan hain Sai,
Koee kehta Gokul-Mohan Devki Nandan hain Sai. ||4||

Shanker samajh bhakt kaee to, baba ko bhajhte rahte,
Koee kahe avtar datt ka, pooja Sai ki karte. ||5||

Kuch bhi mano unko tum, pur sai hain sachche bhagvan,
Bade dayalu deen-bandhu, kitno ko diya jivan-daan. ||6||
Jai Jai Sai Nath…Jai Jai Sai nath……Jai Jai Sainath…..

Kaee varsh pehle ki ghatna, tumhe sunaunga mein baat,
Keesy bhagyashaali ki Shirdi mein aaee thi barat. ||7||

Aaya saath usi ke tha, baalak aik bahut sunder,
Aaya aaker vahin bus gaya, paavan Shirdi kiya nagar. ||8||

Kaee dino tak raha bhatakta, bhiksha maangi usne dar dar,
Aur dikhaee aisee leela, jug mein jo ho gaee amar. ||9||

Jaise-jaise umar badi, badti hee vaisy gaee shaan,
Ghar ghar hone laga nagar mein, Sai baba kaa gungaan. ||10||
Jai Jai Sai Nath…Jai Jai Sai nath……Jai Jai Sainath…..

Digdigant mein laga goonjane, phir to Saiji ka naam,
Deen-dhukhi ki raksha karna, yahi raha baba ka kaam. ||11||

Baba ke charno mein ja kar, jo kehta mein hoo nirdhan,

Daya usee par hoti unkee, khul jaate dhukh ke bandhan. ||12||

Kabhi kisee ne maangi bhiksha, do baba mujhko suntaan,
Aivom astoo tub kaihkar Sai de te thay usko vardaan. ||13||

Swayam dhukhi baba ho jaate, deen-dukhijan ka lukh haal,
Anteh: karan bhi Sai ka, sagar jaisa raha vishal. ||14||
Jai Jai Sai Nath…Jai Jai Sai nath……Jai Jai Sainath…..

 

Bhakt ek madrasi aaya, ghar ka bahut bada dhanvaan,
Maal khajana behadh uskaa, keval nahi rahi suntaan. ||15||

Laga manane Sainath ko, baba mujh per daya karo,
Junjha se junkrit naiya ko, tum hee mairee par karo. ||16||

Kuldeepak ke bina andhera, chchaya hua ghar mein mere,
Isee liye aaya hoon baba, hokar sharnagat tere. ||17||

Kuldeepak ke abhav mein, vyarth hai daulat ki maya,
Aaj bhikhari ban ke baba, sharan tumhari mein aaya, ||18||
Jai Jai Sai Nath…Jai Jai Sai nath……Jai Jai Sainath…..

De do mujhko putra-daan, mein rini rahoonga jivan bhar,
Aur kisi ki aas na mujko, sirf bharosa hai tum per. ||19||

Anunaye-vinaye bahut ki usne, charano mein dhar ke sheesh,
Tub prasana hokar baba ne, diya bhakta ko yeh aashish. ||20||

Allah bhala karega tera, putra janam ho tere ghar,
Kripa rahegi tum per uski, aur tere uss balak per. ||21||

Ab tak nahi kisi ne paya, sai ki kripa ka paar,
Putra ratan de madrasi ko, dhanya kiya uska sansaar. ||22||
Jai Jai Sai Nath…Jai Jai Sai nath……Jai Jai Sainath…..

Tan-man se jo bhaje usi ka jug mein hota hai uddhar,
Saanch ko aanch nahi hai koi, sada jooth ki hoti haar. ||23||

Mein hun sada sahare uske, sada rahoonga uska daas,
Sai jaisa prabhu mila hai, itni ki kum haiy kya aas. ||24||

Mera bhi din tha ik aisa, milti nahi mujhe roti,
Tan per kapda duur raha tha, sheish rahi nanhi si langoti, ||25||

Sarita sammukh hone per bhi mein pyasa ka pyasa tha,
Durdin mera mere uuper, davagani barsata tha. ||26||
Jai Jai Sai Nath…Jai Jai Sai nath……Jai Jai Sainath…..

Dharti ke atirikt jagat mein, mera kuch avalumbh na tha,
Bana bhikhari maiy duniya mein, dar dar thokar khata tha. ||27||

Aise mein ik mitra mila jo, param bhakt Sai ka tha,
Janjalon se mukt, magar iss, jagti mein veh bhi mujh sa tha. ||28||

Baba ke darshan ke khatir, mil dono ne kiya vichaar,
Sai jaise daya murti ke darshan ko ho gaiye taiyar. ||29||

Paavan Shirdi nagari mein ja kar, dhekhi matvaali murat,
Dhanya janam ho gaya ki humne jab dhekhi Sai ki surat. ||30||

Jai Jai Sai Nath…Jai Jai Sai nath……Jai Jai Sainath…..

Jabse kiye hai darshan humne, dukh sara kaphur ho gaya,
Sankat saare mite aur vipdaon ka ant ho gaya. ||31||

Maan aur sammaan mila, bhiksha mein humko baba se,
Prati bambit ho uthe jagat mein, hum Sai ki abha se. ||32||

Baba ne sammaan diya hai, maan diya is jivan mein,
Iska hee sambal le mein, hasta jaunga jivan mein. ||33||

Sai ki leela ka mere, man par aisa assar hua,
Lagta, jagti ke kan-kan mein, jaise ho veh bhara hua. ||34||

Jai Jai Sai Nath…Jai Jai Sai nath……Jai Jai Sainath…..

Kashiram baba ka bhakt tha , iss Shirdi mein rehta tha,
Main Sai ka Sai mera, veh duniya se kehta tha. ||35||

Seekar svayam vastra bechta, gram nagar bazaro mein,
Jhankrit uski hridh-tantri thi, Sai ki jhankaron  mein. ||36||

Stabdh nisha thi, thay soye, rajni aanchal me chand sitare,
Nahi soojhta raha hath ka, hath timiri ke mare. ||37||

Vastra bech kar lote raha tha, hai! Haath se kaashi ,
Vichitr bada sanyoga ki uss din aata tha veh akaki. ||38||

Jai Jai Sai Nath…Jai Jai Sai nath……Jai Jai Sainath…..

Gher raah mein khare ho gaye, usse kutil, anyaayi,
Maaro kaato looto isko, kee dhavani badi sunaee. ||39||

Loot peet kar usse vahan se, kutil gaye champat ho,
Aaghaton se marmahat ho, usne di thi sangya kho. ||40||

Bahut der tak para raha vo, vahin usi halat mein,
Jaane kab kuch hosh ho utha, usko kisi palak mein. ||41||

Anjane hee uske muh se, nikal para tha Sai Sai ,
Jiski prati dhvani Shirdi mein, baba ko parri sunai. ||42||

Jai Jai Sai Nath…Jai Jai Sai nath……Jai Jai Sainath…..

Shubdh  ho utha  manas unka, baba gaye vikal ho,
Lagta jaise ghatna sari, ghati unhi ke sunmukh ho. ||43||

Unmadi se idhar udhar tab, baba lage bhatakne,
Sunmukh chizein jo bhi aiee, unkoo lage patkne. ||44||

Aur dhadhakte angaro mein, baba ne Taandav kar dala,
Huye sashankit sabhi vaha, lakh tandav nritya nirala. ||45||

Samajh gaye sab log ki koi, bhakt para tha sankat mein,
Shubit khare thai sabhi vaha par, pare huye vismaiye mein. ||46||

Jai Jai Sai Nath…Jai Jai Sai nath……Jai Jai Sainath…..

Usse bachane ke hi khatir, baba aaj vikal hai,
Uski hi piraa se pirit, unka ant sthal hai. ||47||

Itne me hi vidhi ne apni, vichitrata dhikhlayi,
Lukh kar jisko janta ko, shradha sarita lehrayee. ||48||

Lekar sanghya heen bhakt ko, gaari ek vaha aayee,
Sunmukh apne dekh bhakt ko, Sai ki aankhe bhar aayee. ||49||

Shant, dheer, gambhir sindhu sa, baba ka tha anthsthal,
Aaj na jane kyon reh-rehkar, ho jaata tha chanchal. ||50||

Jai Jai Sai Nath…Jai Jai Sai nath……Jai Jai Sainath…..